شكرا للشاعر المحترم الاستاذ/طاهر كمال
===================
زى لحن الشوق ما يبدأ من تباريح الألم
زى صورة شعر حلوة لما يرسمها القلم
لما بطن الأم تضحك من ألاعيب الجنين
ولاّ فجر جديد يشقشق من تجاعيد السنين
قلبى زغرد بالأمانى يوم ما سمينا "البديل"
شعلة ترفعها السواعد جيل جديد من بعد جيل
نجمة لامعة فى سمانا للحيارى تكون دليل
********
كل ما يحلّق خيالك تشتهى طلوع النهار
ولاّ يوم يخطر فى بالك تطفى لهفة الإنتظار
أُحضن الحلم اللى عشت بحسرته هايم حزين
وأُقطف الثمرة اللى زهّر غصنها الصامد سنين
روحى شبّت من سهادى يوم ما أصدرنا "البديل"
بوصلة للقلب اللى شارد لو فى يوم ضل السبيل
إسم منقوش فوق راياتنا زى طاقة نور فى ليل
******
ياللى واقف ع المطابع رُص بالبنط الكبير
فكر كاشف .. صوت مراسل .. ولاّ صرخة ف كاريكاتير
إطلقوا الكلمة الشُجاعة حرّروا الحلم الأسير
يا قارئنا فى المداين والمراكز والنجوع
فى الحوارى والشوارع والموانى والربوع
طفل نابه , شاب..شابة , ست..راجل , شيخ جليل
إنتو مستقبل بلدنا .. إنتو صنّاع "البديل"
مدّوا إيدكم ويّا إيدنا .. حلمنا مش مستحيل
******
ياللى عشت العمر تكدح وإنت راضى بالقليل
علّى صوت الحق وإرفض .. بس إيه هوّه البديل ؟
اللى نوهب له حياتنا ونبقى نقطة ف بحر نيل
فكر واضح يسرى يمرى للعطاشى سلسبيل
كلمة دوغرى بنبض صادق تلهم المعنى الأصيل
إمسك الجورنال فى يدّك إسم رايتنا "البديل"
خطوة ثابتة وخطوة جايّة فى طريق الألف ميل
**********
نشرت هذه القصيدة فى جريدة "البديل" فى 20/7/2007
ولكن فى ذروة الفرح بالإصدار الجديد وبعد أقل من شهرين توالت الأنباء
الحزينة حول مرض الدكتور محمد .. مؤسس الجريدة وكان الخبر لا يزال
فى دائرة الأصدقاء.. فأرسلت له على الموبايل هذه الرسالة :
إيدك فى إيدنا إبتدينا للوطن موال
ولا يوم هتغفل عينينا أو يروق البال
رغم الدروب الطويلة والهموم أهوال
عاتب عليك وعكتك فى عز أحلامنا
حاسس جروح مهجتك ألمك بيوجعنا
وإيش تكون محنتك إيش تسوى أوجاعنا
مادام أنين الوطن هوّه اللى جمّعنا
إنفض غبار المرض وإطلق طموحك فوق
سايق عليك مصرنا تشفى يا نبع الذوق
وتطل دايماً علينا فكرة فى "أول ضوء"
**********
رحل الفارس المفكر النبيل
وتوقفت البديل عن الصدور
ولا يزال الحلم مستمراً
طاهر كمال
===================
زى لحن الشوق ما يبدأ من تباريح الألم
زى صورة شعر حلوة لما يرسمها القلم
لما بطن الأم تضحك من ألاعيب الجنين
ولاّ فجر جديد يشقشق من تجاعيد السنين
قلبى زغرد بالأمانى يوم ما سمينا "البديل"
شعلة ترفعها السواعد جيل جديد من بعد جيل
نجمة لامعة فى سمانا للحيارى تكون دليل
********
كل ما يحلّق خيالك تشتهى طلوع النهار
ولاّ يوم يخطر فى بالك تطفى لهفة الإنتظار
أُحضن الحلم اللى عشت بحسرته هايم حزين
وأُقطف الثمرة اللى زهّر غصنها الصامد سنين
روحى شبّت من سهادى يوم ما أصدرنا "البديل"
بوصلة للقلب اللى شارد لو فى يوم ضل السبيل
إسم منقوش فوق راياتنا زى طاقة نور فى ليل
******
ياللى واقف ع المطابع رُص بالبنط الكبير
فكر كاشف .. صوت مراسل .. ولاّ صرخة ف كاريكاتير
إطلقوا الكلمة الشُجاعة حرّروا الحلم الأسير
يا قارئنا فى المداين والمراكز والنجوع
فى الحوارى والشوارع والموانى والربوع
طفل نابه , شاب..شابة , ست..راجل , شيخ جليل
إنتو مستقبل بلدنا .. إنتو صنّاع "البديل"
مدّوا إيدكم ويّا إيدنا .. حلمنا مش مستحيل
******
ياللى عشت العمر تكدح وإنت راضى بالقليل
علّى صوت الحق وإرفض .. بس إيه هوّه البديل ؟
اللى نوهب له حياتنا ونبقى نقطة ف بحر نيل
فكر واضح يسرى يمرى للعطاشى سلسبيل
كلمة دوغرى بنبض صادق تلهم المعنى الأصيل
إمسك الجورنال فى يدّك إسم رايتنا "البديل"
خطوة ثابتة وخطوة جايّة فى طريق الألف ميل
**********
نشرت هذه القصيدة فى جريدة "البديل" فى 20/7/2007
ولكن فى ذروة الفرح بالإصدار الجديد وبعد أقل من شهرين توالت الأنباء
الحزينة حول مرض الدكتور محمد .. مؤسس الجريدة وكان الخبر لا يزال
فى دائرة الأصدقاء.. فأرسلت له على الموبايل هذه الرسالة :
إيدك فى إيدنا إبتدينا للوطن موال
ولا يوم هتغفل عينينا أو يروق البال
رغم الدروب الطويلة والهموم أهوال
عاتب عليك وعكتك فى عز أحلامنا
حاسس جروح مهجتك ألمك بيوجعنا
وإيش تكون محنتك إيش تسوى أوجاعنا
مادام أنين الوطن هوّه اللى جمّعنا
إنفض غبار المرض وإطلق طموحك فوق
سايق عليك مصرنا تشفى يا نبع الذوق
وتطل دايماً علينا فكرة فى "أول ضوء"
**********
رحل الفارس المفكر النبيل
وتوقفت البديل عن الصدور
ولا يزال الحلم مستمراً
طاهر كمال
0 التعليقات