دمك في رقبة مين
يا شهيد إسكندرية
يا موالها الحزين؟
دمك في رقبة ظالم ..
وشوية جلادين..
"أمين" .. وبيأمن ..
على شمه..وسيجارتين
"مخبر" ..وبيقلب
جيوب الغلبانين
"ظابط" وبيلابط
من غير ضمير..ولا دين
و "حبيبهم" العالي
في لاظوغلي بيلالي
قاعد ع الكرسي
بيبارك الظالمين
دمك في رقبة مين ؟
دمك في رقبة اهلك
لو فرطوا في حقك..
وطاطوا للظالمين..
دمك في رقابينا
سكتنا..وادينا
بنتساق كما الأنعام
من "ظلمة".. و "شمامين"
دمك في رقبة مين ؟
يا شهيد إسكندرية
يا موالها الحزين..
شعر
عصام عبد الفتاح
0 التعليقات